काठमाडौं । सर्वोच्च अदालतले पूर्वप्रधानमन्त्री केपी शर्मा ओली र तत्कालीन गृहमन्त्री रमेश लेखक सम्बन्धी अनुसन्धानलाई तोकिएको समयभित्र टुंग्याउन आदेश दिएको छ।
न्यायाधीश विनोद शर्मा र सुनिल कुमार पोखरेलको संयुक्त इजलासले उनीहरूलाई तत्काल थुनामुक्त गर्न अस्वीकार गर्दै चैत २६ गतेभित्र अनुसन्धान प्रक्रिया सम्पन्न गर्न निर्देशन दिएको हो।
अदालतले समयसीमाभित्र अनुसन्धान पूरा हुन नसकेमा कानुनी प्रक्रिया पूरा गरी उनीहरूलाई हिरासतबाट मुक्त गर्दै थप अनुसन्धान अघि बढाउन समेत स्पष्ट गरेको छ। आदेशमा फौजदारी कार्यविधि संहिताअनुसार प्रक्रिया पूरा गर्न जोड दिइएको छ।
गत भदौ २३ गते भएको ‘जेनजी आन्दोलन’का क्रममा १९ जनाको ज्यान जाने घटनामा पर्याप्त रोकथाम प्रयास नभएको आरोपमा दुवै नेता चैत १४ गते पक्राउ परेका थिए। त्यसपछि प्रहरीले ज्यानसम्बन्धी कसुरमा अनुसन्धान गर्दै जिल्ला अदालत काठमाडौंको अनुमति लिएर उनीहरूलाई हिरासतमा राखेको थियो।
सर्वोच्च अदालतको पछिल्लो आदेशसँगै अब अनुसन्धानको गति र निष्कर्षप्रति चासो थप बढेको छ।
