झापा । झापाको शिवसताक्षी नगरपालिका–११ दूधे बजारमा आजदेखि ‘भान्जा फिटनेस तथा जुम्बा सेन्टर’ सञ्चालनमा आएको छ। स्थानीय राजु दंगालको पहलमा सञ्चालनमा ल्याइएको सेन्टरले दूधे तथा आसपासका क्षेत्रका नागरिकलाई शारीरिक व्यायाम, फिटनेस तथा जुम्बा प्रशिक्षणको सुविधा उपलब्ध गराउने भएको छ।
बढ्दो व्यस्त जीवनशैली, खानपानमा आएको परिवर्तन तथा शारीरिक सक्रियताको कमीका कारण पछिल्लो समय स्वास्थ्य र फिटनेसप्रति युवायुवतीको चासो बढ्दै गएको अवस्थामा दूधे बजारमा फिटनेस सेन्टर सञ्चालनमा आउनुले स्थानीयलाई सहज हुने अपेक्षा गरिएको छ।
सञ्चालक दंगालका अनुसार सेन्टरमा शारीरिक व्यायाम तथा फिटनेसका लागि आवश्यक विभिन्न आधुनिक उपकरण तथा सामग्रीको व्यवस्था गरिएको छ। ट्रेडमिल, एक्सरसाइज बाइक, क्रस ट्रेनर, मल्टी जिम, डम्बेल, बारबेल, प्लेट, बेन्च, स्क्वाट र्याक, लेग प्रेस, लेग कर्ल, ल्याट पुलडाउन, केबल मेसिन लगायतका उपकरणमार्फत शरीरका विभिन्न भागको व्यायाम गर्न सकिने व्यवस्था गरिएको उनले बताए।
त्यस्तै, जुम्बा प्रशिक्षणका लागि पनि आवश्यक स्थान तथा वातावरणको व्यवस्था गरिएको छ। जुम्बाले मनोरञ्जनसँगै शरीरलाई सक्रिय राख्न, क्यालोरी घटाउन तथा शारीरिक तन्दुरुस्ती कायम राख्न सहयोग गर्ने भएकाले युवायुवतीसँगै स्वास्थ्यप्रति सचेत सबै उमेर समूहका व्यक्तिलाई लक्षित गरिएको सञ्चालक दंगालले बताए। उनका अनुसार गर्न ‘भान्जा फिटनेस तथा जुम्बा सेन्टर’ सञ्चालन गर्न १ करोड लगानी गरिएको छ ।
दूधे बजार तथा आसपासका क्षेत्रमा लामो समयदेखि व्यवस्थित फिटनेस सेन्टरको अभाव महसुस हुँदै आएको थियो। स्थानीयस्तरमै आधुनिक व्यायाम तथा फिटनेसको सुविधा उपलब्ध भएपछि नियमित शारीरिक व्यायाम गर्न चाहने युवा–युवतीका साथै अन्य नागरिकलाई समेत लाभ पुग्ने अपेक्षा गरिएको छ।
भान्जा फिटनेस तथा जुम्बा सेन्टरले सञ्चालनमा आएको पहिलो एक महिनासम्म फिटनेसका लागि आउने युवा–युवतीलाई एडमिसन शुल्क नलिने जनाएको छ। यस अवधिमा नयाँ सदस्यलाई सेन्टरको सेवा तथा सुविधाबारे जानकारी गराउने र नियमित व्यायामप्रति आकर्षित गर्ने उद्देश्य रहेको सञ्चालक दंगालले बताए।
स्वस्थ शरीर र स्वस्थ जीवनशैलीका लागि नियमित व्यायाम आवश्यक रहेको सन्देश प्रवाह गर्दै सेन्टरले आगामी दिनमा विभिन्न उमेर समूह र आवश्यकताअनुसार फिटनेस तथा जुम्बा कार्यक्रम सञ्चालन गर्ने जनाएको छ।
दूधे बजारमा नयाँ फिटनेस सेन्टर सञ्चालनमा आएसँगै स्थानीय युवायुवतीमा उत्साह देखिएको छ। सेन्टरले मनोरञ्जनसहित नियमित शारीरिक व्यायाम गर्ने वातावरण निर्माण गर्दै स्थानीयको स्वास्थ्य र फिटनेस क्षेत्रमा सकारात्मक योगदान पुर्याउने विश्वास गरिएको छ।
