काठमाडौं । चीनले नेपालको आवश्यकता अनुसार आपतलीन सहायता उपलब्ध गराउन तयार रहेको जनाएको छ । चिनिया विदेश मन्त्रालयका प्रवक्ता लिन जियानले बाढीका कारण उत्पन्न विपदमा दुवै पक्षले खोजी र उद्धारका लागि निकट सञ्चार र समन्वय गरिरहेको बताएका छन् ।
चिनिया सरकारी टेलिभिजन सीसीटिभीसँगको कुराकानीमा जियानले बाढीपहिरोले चीन र नेपाल दुवैतर्फ ठूलो जनधनको क्षति पुऱ्याएको र धेरै मानिसहरू बेपत्ता भएको उल्लेख गरेका छन् ।
चिनियाँ पक्षका तर्फबाट उनले नेपाल सरकार र विपद्बाट प्रभावित सबैमा हार्दिक सहानुभूति प्रकट गरेका छन् ।
स्थानीय चिनियाँ अधिकारीहरूलाई उदृत गर्दै उनले प्रभावित क्षेत्रमा कूल २६० जना विदेशी नागरिकहरू सम्पर्कविहीन रहेको जानकारी दिए । स्थलगत स्थितिका कारण थप प्रमाणीकरण हुन बाँकी रहेको उनको भनाइ छ ।
जियानको पूरा भनाइ यस्तो छः
विपद्पछि महासचिव सी जिनपिङले स्थितिलाई उच्च प्राथमिकता दिनुभयो र तत्काल निर्देशनहरू दिनुभयो । उहाँले सम्भावित खतराको सामना गरिरहेकाहरूको खोजी र उद्धार गर्न, स्थानान्तरण र हेरचाह गर्न, घाइतेहरूलाई तत्काल उपचार प्रदान गर्न र हताहतीलाई कम गर्न सबै शक्ति लगाएर लाग्नुपर्नेमा जोड दिनुभयो ।
अनुगमन र पूर्वसूचनालाई बढावा दिन, सुदृढ उद्धार कार्य सुनिश्चित गर्न र दोस्रो विपद्बाट जोगिन आवश्यक छ । प्रधानमन्त्री ली कियाङले पनि हराएका र प्रभावित व्यक्तिहरूको संख्या छिटो प्रमाणीकरण गर्न र खतरामा रहेका मानिसहरूको तुरुन्त र व्यवस्थित निकासी सुनिश्चित गर्न चौतर्फी उद्धार र राहत प्रयासहरूको आह्वान गर्दै निर्देशनहरू जारी गर्नुभयो । उप(प्रधानमन्त्री झाङ गुओकिङ उद्धार र विपद् प्रतिकार्य कार्यको निरीक्षण गर्न सम्बन्धित विभागका अधिकारीहरूसहित घटनास्थलमा पुग्नुभएको छ ।
सम्बन्धित चिनियाँ अधिकारीहरूले विपद् राहतका लागि ‘राष्ट्रिय स्तर–२ (लेभल २) आपत्कालीन प्रतिक्रियाु सक्रिय गरेका छन् ।
सिजाङ स्वायत्त क्षेत्रले प्राकृतिक विपद्का लागि ‘स्तर–१ (लेभल १) आपत्कालीन प्रतिक्रियाु सक्रिय गरेको छ । सेना, सशस्त्र प्रहरी, सीमा निरीक्षण, दमकल र अन्य सम्बन्धित विभागका उद्धार टोलीहरू जारी खोजी र उद्धार कार्यमा सामेल हुन जतिसक्दो चाँडो प्रभावित क्षेत्रमा पुगेका छन् ।
हामी विश्वस्त छौं कि चिनियाँ कम्युनिष्ट पार्टी (सीपीसी) केन्द्रीय समितिको बलियो नेतृत्वमा, पहिरो प्रभावित क्षेत्रका मानिसहरूले कठिनाइहरू पार गर्नेछन् र आफ्ना घरहरू पुनः निर्माण गर्नेछन् ।
पहिरोले चीन र नेपाल दुवैमा ठूलो जनधनको क्षति पुऱ्याएको छ र धेरै मानिसहरू बेपत्ता भएका छन् । चिनियाँ पक्ष नेपाल सरकार र विपद्बाट प्रभावित सबैमा हार्दिक सहानुभूति प्रकट गर्दछ । दुवै पक्षले खोजी र उद्धारका लागि निकट सञ्चार र समन्वय गरिरहेका छन् । नेपालको आवश्यकता अनुसार चिनियाँ पक्ष आपत्कालीन सहायता उपलब्ध गराउन तयार छ ।
स्थानीय चिनियाँ अधिकारीहरूले हालसम्म सार्वजनिक गरेको जानकारी अनुसार प्रभावित क्षेत्रमा कूल २६० जना विदेशी नागरिकहरू सम्पर्कविहीन रहेका छन्, जसमा स्थलगत स्थितिका कारण थप प्रमाणीकरण हुन बाँकी छ । चिनियाँ उद्धारकर्ताहरूका लागि तिनीहरूको राष्ट्रियता जेसुकै भए पनि सबैको जीवन अनमोल छ । हामी उनीहरूलाई अपडेट राख्न चीनमा रहेका सम्बन्धित विदेशी दूतावासहरूसँग सञ्चार गरिरहेका छौं ।
नेपाल तर्फको स्थितिमा, त्यहाँ करिब १०० चिनियाँ नागरिक बेपत्ता रहेका छन् । नेपालस्थित चिनियाँ दूतावासले नेपाल पक्षसँग थप प्रमाणीकरणको माग गरिरहेको छ र सुरक्षा सतर्कता जारी गरेको छ ।
हामी फेरि त्यहाँ रहेका चिनियाँ नागरिकहरूलाई सुरक्षित स्थानमा जान र दोस्रो विपद् विरुद्ध सावधानी अपनाउन सल्लाह दिन्छौं । नेपालस्थित चिनियाँ दूतावास हरसमय उपलब्ध छ र खाँचोमा परेका चिनियाँ नागरिकहरूलाई मद्दत गर्न सक्दो प्रयास गर्नेछ ।
