काठमाडौं । नेपाली कांग्रेस सभापति तथा पूर्व प्रधानमन्त्री शेरबहादुर देउवा र सांसद आरजु राणा देउवाका छोरा जयवीर सिंह देउवाको नाममा पछिल्ला चार वर्षमा झण्डै एक अर्ब रुपैयाँ बराबरको ७३ रोपनी जग्गा खरिद भएको पाइएको छ। काठमाडौंको चपली, कास्कीको ढिकुरपोखरी र बर्दियासम्म फैलिएका यी सम्पत्तिको स्रोत भने अझै स्पष्ट छैन।
२०७४ सालदेखि २०७८ सम्मको अवधिमा जयवीरको नाममा खरिद गरिएका जग्गाहरूमा करिब २२ रोपनी ढिकुरपोखरी, २ रोपनी चपली र बर्दियामा करिब २५ हजार वर्गमिटर जग्गा रहेका छन्। यी सम्पत्तिहरू सामान्य बजार मूल्यअनुसार एक अर्ब रुपैयाँभन्दा बढीका छन्। तर जयवीरको आम्दानीको स्रोत सार्वजनिक छैन।
यो खबर पढेर तपाईलाई कस्तो महसुस भयो ?
+1
+1
+1
+1
+1
