झापामा औषधिजन्य लागूऔषधसहित दुई जना पक्राउ

झापा । झापाको गौरादह नगरपालिका–५ आठ नम्बर बाँध क्षेत्रमा औषधिजन्य लागूऔषधसहित दुई जना पक्राउ परेका छन्।

मंगलबार राति करिब ९:३० बजे प्रहरी चौकी महारानीझोडाबाट खटिएको गस्ती टोलीले बाटोमा शंकास्पद अवस्थामा हिँडिरहेका दुई जनालाई नियन्त्रणमा लिएको हो।

पक्राउ पर्नेहरूमा गौरादह–५ का २१ वर्षीय समीर सिवा र २५ वर्षीय शंकर सन्थाल रहेका छन्। उनीहरूको साथबाट प्रोमेथाजाइन हाइड्रोक्लोराइड २०० ट्याब्लेट र ट्रामाडोल हाइड्रोक्लोराइड २०० क्याप्सुल बरामद भएको प्रहरीले जनाएको छ।

दुवै जनालाई नियन्त्रणमा लिएर इलाका प्रहरी कार्यालय दमकमा ल्याई थप अनुसन्धान भइरहेको प्रहरीले जनाएको छ।