दुई जेनजी विद्यार्थीले हाले प्रधानमन्त्रीको नियुक्ति र प्रतिनिधि सभा विघटनविरूद्ध सर्वोच्चमा रिट

काठमाडौं । काठमाडौं विश्वविद्यालयमा कानुन विषय अध्ययनरत विद्यार्थी विपना शर्मा र आयुष बडालले प्रधानमन्त्री नियुक्ति र प्रतिनिधि सभा विघटन विरुद्ध सर्वोच्च अदालतमा रिट दायर गरेका छन्।

रिट दायर गर्ने विपना शर्मा र आयुष बडाल दुवै जेनजी उमेर समूह अर्थात् २८ वर्ष भन्दा कम उमेरका छन्।

रिटमा राष्ट्रपतिले संविधान विपरीत पूर्वप्रधानन्यायाधीश सुशीला कार्कीलाई प्रधानमन्त्री नियुक्त गरेको र संसदबाट विश्वासको मत नलिएर संविधानको उल्लंघन गरेको उल्लेख छ।

दुवै विद्यार्थीले प्रधानमन्त्री नियुक्ति असंवैधानिक भएको भन्दै त्यसपश्चातका सबै निर्णय र सूचनाहरू बदर गरी संसद पुनर्स्थापना गर्न माग गरेका छन्। सर्वोच्च अदालतमा नयाँ मुद्दा दर्ता खुल्दै गर्दा अहिले सम्म यस्तै विषयमा पाँच वटा रिट दर्ता भएका छन्।